SAMAÍN 2021

 Este ano celebramos o Samaín no cole. 

Durante a derradeira semana do mes de outubro, decoramos cabazas, as portas das aula, os corredores,.... e rematamos con disfraces o venres.

CHEGOU O ENTROIDO

curso 2019-2020

O entroido está a chegar a troula vai comezar e aquí van os mandados que o MECO quere ordenar.

LUNS: Se Chantada vas percorrer e un volante queres ver, un sombreiro e unha flor terás que traer.

MARTES: Se a Laza queres ir e coma un peliqueiro queres vestir, cunha gravata terás que vir.

MÉRCORES: Se por Xinzo de Limia queres ir e coma unha pantalla te queres divertir un chal terás que lucir.

XOVES: Se por Monte Alto vas pasear e coma un choqueiro queres andar, roupa moi grande terás que mostrar.

VENRES: Se no Concepción Arenal do Entroido queres gozar disfrazado terás que estar.

SAMAIN

O SAMAIN chegou o cole.
Durante esta semana no centro estivemos de celebración, e levamos a cabo varias actividades.
Primeiro comezamos coa decoración  dos corredores e as portas das aulas.

Logo as cabazas encheron os noso corredores e escaleiras de terroríficos coloridos.

O mércores a SANTA COMPAÑA, fixo acto de presenza no centro e visitou as aulas. QUE MEDO.

Letras Galegas 2019

O mércores 22 celebramos o día das LETRAS GALEGAS no cole.

Para conmemorar este día tan importante en Galicia realizamos diferentes actividades.

Comezamos descubrindo a historia do homenaxeado deste ano: Antón Fraguas. Acudiu ao noso centro Pedro Brandariz para falarnos da historia de Antón Fraguas e contarnos a lenda do raposo.

O ano pasado aproveitamos este día para inaugurar unha aula con nome de muller, e nesta ocasión celebramos un acto para inaugurar a aula "Ángeles Alvariño" científica e oceanógrafa galega moi ligada ao mundo do mar. É por este motivo que a maioría dos poemas e cancións que recitaron os nosos alumnas e alumnos  están relacionados co mar.

Realizamos unha exposición de barquiños que conducían dende a entrada do cole ata a aula de informática que será a partir de agora a aula "Ángeles Alvariño"

Ademais o alumnado de sexto realizou dous cadros de Luis Seoane en conmemoración ao mar:"Mar bravo" e "Mar e rochas"

Neste acto o alumnado recitou poemas e cancións cunha temática mariña, as nosas presentadoras do acto leronnos as biografías dos homenaxeados deste día: Antón Fraguas e Ángeles Alvariño.

Deixámosvos un vídeo resumo das actuacións realizadas ese día.

Para finalizar os actos do día das Letras Galegas, o alumnado de 1º de Educación Primaria realizaron dúas obras de teatro na nosa lingua.

Adxuntamos tamén o vídeo para que disfrutedes da súa actuación

O grilo

O cociñeiro Martiño e as cenorias desaparecidas.

E con esto concluímos a celebración deste día tan especial para a nosa comunidade.

Día da poesía

Para celebrar o día da poesía este ano acompañounos Estíbaliz Espinosa impartindo un obradoiro de poesía creativa.

As alumnas e os alumnos aprenderon as metáforas a través dos planetas e compuxeron poemas relacionados coa Vía Láctea, as estrelas e o universo, foi unha xornada moi divertida!

Deixamos unhas imaxes do alumnado durante o obradoiro.

8 de marzo, Día da muller!

O día 8 de marzo foi o Día da muller e dende o Equipo de Dinamización da Lingua Galega non quixemos pasar por alto esta conmemoración.
Ao longo de todo o mes, dende as titorías traballouse o recoñecemento e valoración da figura da muller en diversos ámbitos.

Ademais do traballo a nivel de aulas recibimos unha visita moi especial.
Anaír Rodriguez, a autora do libro "Pioneiras: galegas que abriron camiño" visitou ao alumnado de 5º de Educación Primaria.

Nesta visita puxo varios exemplos das desigualdades entre homes e mulleres que aínda existen hoxe en día na nosa sociedade. Explicounos as súas motivacións para escribir este libro tan necesario a día de hoxe e falounos de varias mulleres poñendo de relevancia os seus logros e éxitos.

Logo da exposición da autora realizouse unha charla-coloquio co alumnado sobre as mulleres que se traballan no libro, así como un debate sobre a necesidade deste tipo de libros que resalten os logros de diferentes mulleres.

O entroido xa está aquí!

Hola a todos e a todas, xa chega o entroido!! No cole xa nos estamos preparando para a súa chegada e xa temos listos os mandados do Meco deste ano!

O alumnado do terceiro ciclo de Educación Primaria elaborou os mandados establecendo os accesorios para cada día, e así de guapo estaba "Manolo": o esquelete do cole!

Aproveitando o proxecto que se está realizando dende a biblioteca, relacionamos os mandados do Meco con diferentes cidades ou países do mundo!